Баранавіцкія маладафронтаўцы нагадалі мінакам аб тым трагічным дні для Беларусі і ўсяго свету. 24 гады таму адбылася адна з самых буйных радыяцыйных аварый, якая тычыцца кожнага жыхара Беларусі. Больш за 70 адсоткаў радыёнуклідаў аселі на тэрыторыі краіны. Навукоўцы заяўляюць, што ад радыяцыі ўжо памерла 200 тысяч чалавек.

 Актывісты раздавалі інфармацыйныя ўлёткі мінакам, расклейвалі на аўтобусных прыпынках, скверах, раскідвалі па паштовых скрынях. Усяго было распаўсюджана з паўтысячы ўлётак. 

«Абыякавах людзей я не сустрэў, кожны прачытаўшы тэкст падтрымліваў і разумеў што гэты дзень забываць нельга, як бы не спрабавала замоўчваць праблему ўлада» паведаміў Максім Ахрыменка.